Birazîkê Min

Birazîkê min bi destê min girtibû û digot "pa" û dixwest ku min bibe parkê bi xwe re, da hinekî bilîze. Hê neketiye 2 salên timam, dimeşe û dibeze lê hê nikare biaxive. Me bi destê hev girt û wî rêberiya me kir û em birine parkê. Hê ji dûr ve, min jineke por-zer didît, ku wê jî bi destê keçikekê girtibû û berê wê dabû ber bi parkê ve, qey nêta wan jî heman park bû.

Deydîk û zîqûzelaq û hespê-textik û çend tiştên dî hebûn li parkê. Ê min, ez di dûv biraziyê xwe de bûm, haya min ji der û dorê tune bû, telefon
a min di destê min de û ez di dûv lêwik de bûm, diçû kû, ez jî diçûme wir. Werhasil, lawik jî keç dîtibû û dixwest ku nêzî wê bibe, bi wê rêyê ez jî nêzî jinê dibûm. Me her du zarok li deydîkan siwar dikir û ew dihejandin, yê min hê jî serê min di telefonê de bû.

Emrê jinikê mezin bû, qey ji 50î jî bêhtir bû; lê pora xwe boyax kiribû, kiribû zerê zêrê û jeanekî teng kişandibû quna xwe û di wê sermayê de sînga xwe vekiribû û nizanim çi yê dî... Te digot qey 18 salî ye. Em li nêzî hev bi zaroyan mijûl dibûn, min dît ko dibêje ma navê kurik çi ye. Min navê wî got; "Mîrza ye." û min got ku bi kurdî, di wateya prensî de ye, û min jê pirsî bê ma navê keçikê çi ye. Got "Mîra" ye. Got ma lawik dibê çi yê min; min jî got ku biraziyê min e, ez hatime cem birayê xwe bo heftiyekê. Min jê pirsî bê ma keçik dibê çi yê wê, lê wê bersiveke vebirî neda, got "Me jî keça xwe aniye bo gerê", yanî keça hina ji wa ye, lê diyar nekir bê ya kê ye. Hê wilo, keçikê got "Ma mala me dûrî vir e, çima xuya nake, Babaanne?" Bi gotinê, jinikê bi destê keçikê girt û ew xirxirand di dûv xwe de, bire malê.

Qey ê çi bibûya ko bigota ku wê neviya xwe aniyê bo bêhnvedanekê? Ji xwe diyar e ku emrê wê mezin e û me tiştek jî negotiye, erê temam, tu ne wekê jinên di emrê xwe de tev digerî, yanî ew qun ne qeuneke 50 salî ye, diyar e ku tu quna xwe bi 18î dihesibînî, lê rehet be yanî, em ê jî bikevine wî emrî, lê hêvî dikim ku em emrê xwe yê rastî ji kesî veneşêrin.